Breiðholtsskóli rúlar..........

Hæhæ.

Já gaman að sjá hvað þessi síða virðist ætla að lifa. Ég skoða hana öðru hvoru. Góð hugmynd að hittast með allan skarann og grilla og gera eitthvað skemmtilegt með börnunum. En ég er að flytja til Spánar og fer út 3.ágúst og er á fullu núna að pakka og ganga frá dóti í geymslu og henda og henda ótrúlegt hvað maður getur safnað af drasli , þannig að það er nú ekki víst að ég nái að koma en þið verðið bara dugleg að taka myndir og setja hérna inn svo ég geti grillað á spáni og látið sem ég hafi verið með ykkur.

Svo er bara spurning um að hafa næsta árgangsmót á Spáni  ?????

En njótið sumarsins.

Kveðja Sirrý senjorita

Þetta er frábær hugmynd hjá þér Gústi að hittast og grilla saman en það er spurn. hvenær hentar best vegna sumarleyfa hjá fólki það er spurn. um að fara bara að ákveða þetta?  Svo veit ég líka um frábæran lund sem heitir Guðmundarlundur og er hann rétt fyrir ofan Hesthúsin í Heimsenda Þar eru grill með þaki yfir og stór grasbali ofl ofl við vorum þar í bekkjarferð í vor með stelpunni minni.

 En svona úr einu í annað eru þessar stelpur sem voru ólettar þarna um daginn ekkert að fara að eiga eins og td Erna eru engar fréttir af því

Gústi, þetta var fín hugmynd og ég styð hana allveg. Við fjölskyldan ætlum til Bíldudals í lok júní þar ætla ég að rifja upp gamlar minningar, reyndar rúlla  ég  vestur annað hvert ár. Þarna ólst ég upp ásamt ykkur á malbikinu.  Svo ætla ég til Noregs 11 daga það verður örugglega voða fínt að  sjá þar landslagið og menninguna, vinkona mín bjallaði til mín í gær frá norge og er að kafna,  þar er 30 stiga hiti og sól kannski of mikið af því góða.

Hafið það gott í sumar og vondandi sjáumst við bara í Heiðmörk.

Munum msn

Sunna

Ég get ekki séð að það verði mikil breyting á þó að Framsókn sé út og Samfylkingin inn í stjórn, það er Sjálfstæðisflokkurinn sem dominerar og hann er ekki besti flokkurinn að mínu mati. Það er hins vegar spurning hvernig stefnu fólk velur og það er væntanlega það sem skilur á milli. Þeir flokkar sem vinna með Sjálfstæðisflokki virðast allir falla út með sæmd eða verða fyrir miklu fylgisfalli. Það gerðist hjá Alþýðuflokknum, nú Framsókn og kannski næst Samfylkingin. Það er ekki góður flokkur sem drepur allt sem kemur nálægt honum er það. En þetta var bara smá tilraun til að sjá hverjir væru að skoða síðuna. Ég held að við ættum að halda okkur við eitthvað sem tengist okkur öllum.

Takk fyrir

Gústi.  

Þetta er flott hjá ykkur krakkar, vildi óska að það myndi vella svona upp úr mér. Þetta hlýtur að vera þvílíkt gáfumerki að geta ort svona. Gústi var að spyrja hvað okkur þykir um ríkisstjórnina, ég get sko alveg svarað því. Ég er mjög glöð með þann flokkinn í stjórninni sem er stærstur, bestur og flottastur :) Það er bara einn sem kemur til greina. En mörgum þykir þetta leiðinlegt umræðu efni og eru jafnvel ekki sömu skoðunar og ég, ótrúlegt. En ég er Sjálfstæðiskona og er stolt af því! Ég veit að ég á nokkra samflokksvini í árgangnum. Látið í ykkur heyra eða ekki......

Gústi þú fékkst allavegana viðbrögð og þá er takmarkinu náð .. ekki satt!

Bestu kveðjur,

 Guffa